കന്നഡ നടനും മുന്‍ മന്ത്രിയുമായ അംബരീഷ് അന്തരിച്ചു

ബെംഗളൂരു:കന്നഡ സിനിമ താരവുംമുൻ കേന്ദ്ര മന്ത്രിയുമായിരുന്ന എം.എച്ച് അംബരീഷ് അന്തരിച്ചു. 66 വയസ്സായിരുന്നു. ഹൃദയാഘാതം മൂലം ബെംഗളൂരുവിലെ സ്വകാര്യ ആശുപത്രിയിലായിരുന്നു അന്ത്യം. പ്രശസ്ത സിനിമാ താരം സുമലതയാണ് ഭാര്യ. എം.എൽ.എ, എം.പി, കേന്ദ്ര മന്ത്രി എന്നീ സ്ഥാനങ്ങൾ വഹിച്ചിട്ടുണ്ട്. 200 ൽ കൂടുതൽ കന്നഡ ചിത്രങ്ങളിൽ അഭിനയിച്ചിട്ടുള്ള അംബരീഷ് ആരാധകർക്കിടയിൽ അംബി എന്ന പേരിലാണ് അറിയപ്പെട്ടിരുത്. 1994ൽ കോൺഗ്രസിൽ ചേർന്ന് രാഷ്ട്രീയ പ്രവർത്തനം ആരംഭിച്ച അംബരീഷ് പാർട്ടി സീറ്റ് നീഷേധിച്ചതിനെ തുടർന്ന് 96-ൽ ജനതാദളിൽ ചേർന്നു. 1998-ലെ പൊതുതിരഞ്ഞെടുപ്പിൽ കർണാടകയിലെ മാണ്ഡ്യയിൽ മത്സരിച്ച അംബരീഷ് രണ്ട് ലക്ഷത്തിനടുത്ത് വോട്ടുകളുടെ ഭൂരിപക്ഷത്തിനാണ് കോൺഗ്രസ് സ്ഥാനാർത്ഥിയെ തോൽപിച്ചത്. പിന്നീട് കോൺഗ്രസിൽ മടങ്ങിയെത്തിയ അദ്ദേഹം മാണ്ഡ്യയിൽ നിന്നും രണ്ട് തവണ കൂടി ലോക്സഭയിലേക്ക് ജയിച്ചു. 2006-ൽ ഒന്നാം യുപിഎ സർക്കാരിൽ വാർത്തവിനിമയ വകുപ്പിന്റെ ചുമതലയുള്ള സഹമന്ത്രിയായി അദ്ദേഹം ചുമതലയേറ്റു. നാല് മാസത്തിന് ശേഷം കാവേരി ട്രിബ്യൂണലിന്റെ വിധിയിൽ പ്രതിഷേധിച്ച് മന്ത്രിസ്ഥാനം രാജി വെക്കുകയായിരുന്നു. അംബരീഷിന്റെ മരണവാർത്ത പുറത്ത് വന്നതിന് പിന്നാലെ ആശുപത്രിക്ക് ചുറ്റും പോലീസുകാരെ വിന്യസിച്ചിരിക്കുകയാണ്. content highlights:Ambareesh, Kannada Actor Dies in Bengaluru Hospital

from mathrubhumi.latestnews.rssfeed https://ift.tt/2P3gWmZ
via IFTTT