ആലപ്പുഴയില്‍ കാര്‍ കഴുകുന്നതിനിടെ സഹോദരങ്ങള്‍ ഷോക്കേറ്റു മരിച്ചു

ആലപ്പുഴ: വാഹനം കഴുകുന്നതിനിടെവൈദ്യുതാഘാതമേറ്റ്സഹോദരങ്ങൾ മരിച്ചു. ആലപ്പുഴ എ.എൻ.പുരം വാർഡിൽ വിളഞ്ഞൂർ ക്ഷേത്രത്തിന് സമീപം ചിറ്റാട്ടിൽ വീട്ടിൽ പരേതനായ ബാലകൃഷ്ണപിള്ളയുടെ മക്കൾ മനോജ് കുമാർ(44), അനിൽ കുമാർ(51) എന്നിവരാണ് മരിച്ചത്. ഞായറാഴ്ച വൈകിട്ട് 5.30 ഓടെയായിരുന്നു സംഭവം. സമീപത്തെ ക്ഷേത്രത്തിലെ പറയെടുപ്പിനായി പോയ ക്ഷേത്രം ഭാരവാഹികളാണ് ഇരുവരേയും മരിച്ച നിലയിൽ കണ്ടെത്തിയത്.അനിൽവീടിനോട് ചേർന്ന് ഇരുചക്രവാഹനങ്ങളുടെ സർവ്വീസ് സെന്റർ നടത്തുന്നുണ്ടായിരുന്നു. ഇവിടെ വീട്ടിലെ കാർ കഴുകുന്നിടെയായിരുന്നു അപകടം. കാറിന്റെ മറവിലായി വീണു കിടക്കുകയായിരുന്നു ഇരുവരും. ഉടനെ തന്നെ ലൈൻമാനെ അറിയിച്ച് ലൈൻ ഓഫാക്കിയാണ് ആശുപത്രിയിലെത്തിച്ചത്. അപ്പോഴേക്കും മരണം സംഭവിച്ചിരുന്നു. മോട്ടോറിന്റെ കംപ്രസറിൽ നിന്നും വൈത്യുതാഘാതമേൽക്കുകയായിരുന്നു. കൊല്ലത്ത് മെഡിക്കൽ റെപ്രസന്റ്റേറ്റീവായി പ്രവർത്തിക്കുകയായിരുന്നു മനോജ് ബാലകൃഷ്ണൻ. അവധിയെ തുടർന്ന് കഴിഞ്ഞ ദിവസമാണ് വീട്ടിലെത്തിയത്. അവിവാഹിതനാണ് മനോജ്. അനിൽകുമാറിന്റെ ഭാര്യ മിനി. മക്കൾ: അശ്വതി,അർജ്ജുൻ.അമ്മ: ആനന്ദവല്ലി. മൃതദേഹങ്ങൾ വണ്ടാനം മെഡിക്കൽ കോളേജ് ആശുപത്രയിലേക്ക് മാറ്റി. content highlights:Two die of electric shock in Alappuzha

from mathrubhumi.latestnews.rssfeed http://bit.ly/2FTSxgW
via IFTTT