വിവി പാറ്റ് പരിശോധന: ഫലപ്രഖ്യാപനം നീളാൻ സാധ്യത

ന്യൂഡൽഹി: കൂടുതൽ വിവി പാറ്റ് സ്ലിപ്പുകൾ എണ്ണുന്നതിനാൽ ലോക്സഭാ തിരഞ്ഞെടുപ്പുഫലം ഒരുദിവസം വൈകാൻ സാധ്യതയുണ്ടെന്ന് തിരഞ്ഞെടുപ്പു കമ്മിഷൻ വൃത്തങ്ങൾ. മേയ് 23-നാണ് വോട്ടെണ്ണൽ. നേരത്തേ ഓരോ നിയമസഭാ മണ്ഡലത്തിലെയും ഒരു ബൂത്തിലെ സ്ലിപ്പ് എണ്ണാനാണ് കമ്മിഷൻ തീരുമാനിച്ചത്. എന്നാൽ, അഞ്ചുവീതം ബൂത്തിലെ സ്ലിപ്പെണ്ണാൻ ഏപ്രിൽ 24-ന് സുപ്രീംകോടതി നിർദേശിച്ചു. ഇതിന് അഞ്ചാറുമണിക്കൂർ കൂടുതൽ വേണ്ടിവരുമെന്നാണ് കമ്മിഷന്റെ വിലയിരുത്തൽ. ഇതോടെ അന്തിമ ഫലപ്രഖ്യാപനം മേയ് 24-ലേക്ക് നീളുമെന്ന് ഒരു ഉദ്യോഗസ്ഥൻ പറഞ്ഞു. തിരഞ്ഞെടുപ്പുപ്രക്രിയയുടെ വിശ്വാസ്യത ഉറപ്പാക്കാൻ പകുതി ബൂത്തുകളിലെയെങ്കിലും സ്ലിപ്പുകൾ എണ്ണണമെന്നായിരുന്നു പ്രതിപക്ഷത്തിന്റെ ആവശ്യം. ഇത് സുപ്രീംകോടതി അംഗീകരിച്ചില്ല. Content Highlights:vvpat slips countingl; election result announment may be delayed

from mathrubhumi.latestnews.rssfeed http://bit.ly/2Ja4Z04
via IFTTT