വിറയല്‍ നിര്‍ത്തൂ, വ്യക്തിത്വമുണ്ടെങ്കില്‍ എന്റെ ചോദ്യത്തിന് ഉത്തരംപറയൂ- മോദിയോട് രാഹുല്‍

ന്യൂഡൽഹി: രാഹുൽ ഗാന്ധിയും കോൺഗ്രസും സ്ത്രീത്വത്തെ അപമാനിച്ചെന്ന ആരോപണത്തിന് മറുപടിയുമായി കോൺഗ്രസ് അധ്യക്ഷൻ രംഗത്ത്. എല്ലാവരും ബഹുമാനമർഹിക്കുന്നുണ്ട് മോദിജി, വീട്ടിൽ നിന്ന് തുടങ്ങുന്നതാണ് സ്ത്രീകളെ ബഹുമാനിക്കുന്ന ഞങ്ങളുടെ സംസ്കാരമെന്നും രാഹുൽ പറഞ്ഞു. ട്വീറ്റിലൂടെയായിരുന്നു രാഹുലിന്റെ പ്രതികരണം. വിറയൽ നിറുത്തണം. വ്യക്തിത്വമുണ്ടെങ്കിൽ എന്റെ ചോദ്യത്തിന് ഉത്തരം പറയുകയാണ് വേണ്ടത്. റഫാലിന്റെ ഒറിജിനൽ കരാർ താങ്കൾ ഒഴിവാക്കിയപ്പോൾ പ്രതിരോധ മന്ത്രിയും വ്യോമസേനയും എതിർത്തിരുന്നു. ഉണ്ടോഇല്ലയോ എന്ന് മാത്രം പറഞ്ഞാൽ മതിയെന്നും രാഹുൽ ട്വീറ്റിൽ കുറിച്ചു. റഫാൽ കരാറുമായി ബന്ധപ്പെട്ട് പാർലമെന്റിൽ നടന്ന ചർച്ചയിൽ പങ്കെടുക്കാതെ മോദി നിർമലാ സീതാരമനെ പ്രതിരോധത്തിന് വിട്ടതിനെ രാഹുൽ പരിഹസിച്ചിരുന്നു. രാജസ്ഥാനിൽ നടന്ന കർഷക റാലിക്കിടെയായിരുന്നു രാഹുലിന്റെ പ്രസ്താവന. 56 ഇഞ്ച് നെഞ്ചളവുള്ള കാവൽക്കാരൻ ഓടി രക്ഷപ്പെടുന്നതിന്റെ ഇടയിൽ ഒരു സ്ത്രീയോട് പറഞ്ഞു സീതാരാമൻജി എന്നെ പ്രതിരോധിക്കു... എനിക്ക് എന്നെ സ്വയം പ്രതിരോധിക്കാൻ കഴിയില്ല... എന്നെ പ്രതിരോധിക്കൂ... - രാഹുൽ റാലിയിൽ സംസാരിക്കവെ പരിഹസിച്ചു. ഇത് സ്ത്രീത്വത്തെ അപമാനിക്കുന്നതാണെന്ന് ആക്ഷേപവുമായി പ്രധാനമന്ത്രി രംഗത്തെത്തുകയും ചെയ്തിരുന്നു. രാജ്യത്തിന്റെ മകൾ ആദ്യമായിട്ടാണ് പ്രതിരോധ മന്ത്രിയാകുന്നത്. അഭിമാനിക്കാവുന്ന കാര്യമാണിത്. ഞങ്ങളുടെ പ്രതിരോധ മന്ത്രി പാർലമെന്റിൽ എല്ലാ പ്രതിപക്ഷ പാർട്ടികളേയും നിശബ്ദരാക്കുകയും അവരുടെ നുണകൾ തുറന്നുക്കാട്ടുകയും ചെയ്തു. ഇപ്പോളവർ വനിതയായ പ്രതിരോധ മന്ത്രിയെ അപമാനിക്കുന്നതിൽ ഞാൻ ആശ്ചര്യപ്പെടുന്നു. അവർ ഒരു മന്ത്രിയെ അല്ല അപമാനിച്ചത് മറിച്ച് ഇന്ത്യയുടെ വനിതാ ശക്തിയെ ആണ് അപമാനിച്ചിരിക്കുന്നതെന്നും മോദി ആഗ്രയിൽ നടന്ന റാലിക്കിടെ പറഞ്ഞു. ഇതിനെതിരെയായിരുന്നു രാഹുൽ ഗാന്ധിയുടെ ട്വീറ്റ്. With all due respect Modi Ji, in our culture respect for women begins at home. Stop shaking. Be a man and answer my question: Did the Air Force and Defence Ministry object when you bypassed the original Rafale deal? Yes? Or No? #RafaleScam — Rahul Gandhi (@RahulGandhi) January 9, 2019 Content Highlights:Rahul Gandhi Hits Back At PM Modi,"Stop Shaking. Be A Man":

from mathrubhumi.latestnews.rssfeed http://bit.ly/2FlYX9X
via IFTTT