വയൽക്കിളി നേതാവ് സുരേഷ് കീഴാറ്റൂർ മത്സരിക്കും

തളിപ്പറമ്പ്: വയൽക്കിളി നേതാവ് സുരേഷ് കീഴാറ്റൂർ കണ്ണൂർ ലോക്സഭാ മണ്ഡലത്തിൽനിന്നു മത്സരിക്കും. പരിസ്ഥിതിപ്രവർത്തകരുടെ ശബ്ദമായാണ് മത്സരിക്കുക. 'പാരിസ്ഥിതികകേരളത്തിന് ഒരു വോട്ട്' എന്ന മുദ്രാവാക്യമുയർത്തിയാണ് തിരഞ്ഞെടുപ്പ് പ്രചാരണത്തിനിറങ്ങുകയെന്ന് അദ്ദേഹം പറഞ്ഞു. ലോക്സഭാ തിരഞ്ഞെടുപ്പിൽ പരിസ്ഥിതിക്കാര്യം ചർച്ച ചെയ്യണം. തിരഞ്ഞെടുപ്പുവിജയം പ്രശ്നമല്ല. വയൽക്കിളികളുടെ പോരാട്ടത്തിന്റെ ഭാഗം കൂടിയാണിത്. പ്രളയാനന്തരകേരളത്തിൽ ഇടത്-വലത് രാഷ്ട്രീയം കോർപ്പറേറ്റുകളുടെ അജൻഡയാണ് നടപ്പിലാക്കുന്നതെന്നും സുരേഷ് കീഴാറ്റൂർ പറഞ്ഞു. സി.പി.എമ്മിന്റെ ശക്തികേന്ദ്രത്തിലാണ് സുരേഷിന്റെ തട്ടകം. പാർട്ടിപ്രവർത്തകനായി വളർന്ന അദ്ദേഹം ദേശീയപാതയ്ക്കായി കീഴാറ്റൂരിൽ വയൽ നികത്താനുള്ള നീക്കത്തിനെതിരേ സമരത്തിനിറങ്ങിയാണ് സി.പി.എമ്മുമായി അകന്നത്. വയൽക്കിളിസമരത്തിന്റെ ഭാഗമായി കീഴാറ്റൂരിൽ നിരാഹാരസമരം നടത്തി ശ്രദ്ധേയനായി. വയൽക്കിളികളുടെ നേതൃത്വത്തിൽ നടന്ന മറ്റു സമരങ്ങൾക്ക് ചുക്കാൻ പിടിച്ചതും സുരേഷ് കീഴാറ്റൂരായിരുന്നു. content highlights:vayalkili leader suresh keezhattoor may contest in loksabha election

from mathrubhumi.latestnews.rssfeed https://ift.tt/2ubtSPz
via IFTTT