സെന്‍സെക്‌സില്‍ 199 പോയന്റ് നേട്ടത്തോടെ തുടക്കം

മുംബൈ: വ്യാപാര ആഴ്ചയുടെ ആദ്യദിനം ഓഹരി വിപണിയിൽ മുന്നേറ്റം. സെൻസെക്സ് 199 പോയന്റ് നേട്ടത്തിൽ 35656ലും നിഫ്റ്റി 48 പോയന്റ് ഉയർന്ന് 10,730ലുമാണ് വ്യാപാരം നടക്കുന്നത്. ബിഎസ്ഇയിലെ 776 കമ്പനികളുടെ ഓഹരികൾ നേട്ടത്തിലും 504 ഓഹരികൾ നഷ്ടത്തിലുമാണ്. യെസ് ബാങ്ക്, ഐഷർ മോട്ടോഴ്സ്, ഡോ.റെഡ്ഡീസ് ലാബ്, ഹിൻഡാൽകോ, ഇൻഫോസിസ്, ഹീറോ മോട്ടോർകോർപ്, റിലയൻസ്, സൺ ഫാർമ, ടാറ്റ മോട്ടോഴ്സ്, എച്ച്ഡിഎഫ്സി, എച്ച്ഡിഎഫ്സി ബാങ്ക്, സിപ്ല, വിപ്രോ, ഹിന്ദുസ്ഥാൻ യുണിലിവർ, പവർ ഗ്രിഡ് തുടങ്ങിയ ഓഹരികൾ നേട്ടത്തിലാണ്. ഭാരതി എയർടെൽ, ആക്സിസ് ബാങ്ക്, എസ്ബിഐ, ഒഎൻജിസി, ഗെയിൽ, കൊട്ട്ക് മഹീന്ദ്ര, ഐഒസി തുടങ്ങിയ ഓഹരികൾ നഷ്ടത്തിലുമാണ്. ഏഷ്യൻ വിപണികളിലെ നേട്ടമാണ് രാജ്യത്തെ ഓഹരി വിപണിയിലും പ്രതിഫലിച്ചത്. റിസർവ് ബാങ്കിന്റെ ബോർഡ് യോഗം നടക്കുന്നതിനാൽ കരുതലോടെയാണ് നിക്ഷേപകർ വിപണിയിൽ ഇടപെടുന്നത്. content highlights:Sensex up nearly 199points, Nifty ends above 10,700

from mathrubhumi.latestnews.rssfeed https://ift.tt/2qS8QUv
via IFTTT