ശബരിമല ദര്‍ശനത്തിനെത്തിയ യുവതികളെ പോലീസ് തിരിച്ചിറക്കി

ശബരിമല: ശബരിമല ദർശനത്തിനെത്തിയ യുവതികളെ പോലീസ് നിർബന്ധപൂർവം തിരിച്ചിറക്കി. കണ്ണൂർ സ്വദേശികളായ രേഷ്മ, ഷാനില എന്നിവരെയാണ് കനത്ത സുരക്ഷയിൽ പോലീസ് തിരിച്ചിറക്കിയത്. ശബരിമല ദർശനത്തിനെത്തിയ യുവതികൾ(ഇടത്)), പ്രതിഷേധക്കാർ(വലത്). ഫോട്ടോ: കെ ആർ പ്രഹ്ലാദൻ പമ്പയിലേക്കാണ് ഇവരെ കൊണ്ടുവന്നത്.രണ്ടുവാഹനങ്ങളിലായിപമ്പയിൽനിന്ന് ഇവരെ മാറ്റിയെന്നാണ് ലഭിക്കുന്ന വിവരം. ഇവർക്കൊപ്പമുണ്ടായിരുന്ന പുരുഷന്മാരെയും പമ്പയിലേക്ക് കൊണ്ടുവന്നിട്ടുണ്ട്. കണ്ണൂർ കോഴിക്കോട് മേഖലയിൽ നിന്നുള്ള എട്ടുപേരുടെ സംഘമാണ് മല കയറാനെത്തിയത്. പുലർച്ചെ നാലുമണിയോടെ മലകയറ്റം ആരംഭിച്ച ഇവരെ നീലിമലയിൽവെച്ച് പ്രതിഷേധക്കാർ തടയുകയായിരുന്നു.നാലരയോടെ നീലിമലയിലെ വാട്ടർ ടാങ്കിനു സമീപമെത്തിയപ്പോൾ ചിലർ ശരണം വിളിച്ച് പ്രതിഷേധവുമായെത്തി. ശബരിമല ദർശനത്തിനെത്തിയ യുവതികളെ പോലീസ് തിരിച്ചിറക്കുന്നു.ഫോട്ടോ: കെ ആർ പ്രഹ്ലാദൻ തുടക്കത്തിൽ കുറച്ച് പ്രതിഷേധക്കാർ മാത്രമായിരുന്നു ഉണ്ടായിരുന്നത്. എന്നാൽ പിന്നീട് കൂടുതലാളുകൾ എത്തി.അസിസ്റ്റന്റ് കമ്മീഷണർ എ പ്രദീപ് കുമാറെത്തി പ്രതിഷേധക്കാരോട് സംസാരിച്ചെങ്കിലും പിന്മാറാൻ ഇവർ തയ്യാറായില്ല. ദർശനം നടത്താതെ പിന്മാറില്ലെന്ന നിലപാട് യുവതികളും സ്വീകരിച്ചു.ശരണം വിളിച്ച് പ്രതിഷേധിച്ച അഞ്ചുപേരെ അറസ്റ്റ് ചെയ്തു നീക്കിയെങ്കിലും കൂടുതൽ പേർ പ്രതിഷേധവുമായെത്തിയതോടെ യുവതികൾക്ക് പോലീസ് സംരക്ഷണവലയം തീർത്തു.തുടർന്ന് മൂന്നരമണിക്കൂറിനു ശേഷം പോലീസ് യുവതികളെ ബലംപ്രയോഗിച്ച് തിരിച്ചിറക്കുകയായിരുന്നു.മുണ്ടും ഷർട്ടും ധരിച്ച്, പെട്ടെന്ന് തിരിച്ചറിയാനാകാത്ത വേഷവിധാനത്തിലാണ് യുവതികൾ ദർശനത്തിനെത്തിയത്. യുവതീപ്രവേശത്തിനെതിരെ ആന്ധ്രയിൽനിന്നെത്തിയവരുടെ പ്രതിഷേധം Read more..രണ്ട് യുവതികൾ ശബരിമല കയറാനെത്തി; നീലിമലയിൽ തടഞ്ഞു, പ്രതിഷേധം content highlights:women sent beck from sabarimala darshan

from mathrubhumi.latestnews.rssfeed http://bit.ly/2RRPOwv
via IFTTT