തീവണ്ടി: ഇനി നാലുമണിക്കൂർ മുൻപ്‌ ബോർഡിങ് മാറ്റാം

കണ്ണൂർ: തീവണ്ടിയാത്രക്കാർക്ക് സൗകര്യമായി ബോർഡിങ് മാറ്റം. ഇനി വണ്ടി പുറപ്പെടുന്നതിന് നാലു മണിക്കൂർ മുൻപ് (ഒന്നാം റിസർവേഷൻ ചാർട്ട് എടുക്കുന്നത്) വരെ ബോർഡിങ് പോയിന്റ് മാറ്റാം. നിലവിൽ 24 മണിക്കൂർ മുൻപുവരെ മാത്രമേ സ്റ്റേഷൻ മാറ്റാൻ പറ്റൂ. മേയ് മുതൽ ഇത് പ്രാബല്യത്തിൽ വരും. ആദ്യം കൊടുത്ത ബോർഡിങ് പോയിന്റ് മാറ്റുകയും എന്നാൽ ആദ്യത്തെ ബോർഡിങ് സ്റ്റേഷനിൽ നിന്ന് തന്നെ കയറുകയും ചെയ്യേണ്ടിവന്നാൽ തീവണ്ടിയിൽ ടി.ടി.ഇ. പിഴ ഈടാക്കില്ല. അതായത്, യാത്രക്കാരൻ മംഗളൂരുവിൽനിന്ന് കണ്ണൂരേക്ക് ബോർഡിങ് പോയിന്റ് മാറ്റി. എന്നാൽ, യാത്രക്കാരൻ മംഗളൂരുവിൽ നിന്ന് തന്നെ കയറുന്നു. എങ്കിൽ, ആ സീറ്റ്/ബർത്ത് ഒഴിവുണ്ടെങ്കിൽ അതിൽ തന്നെ കണ്ണൂർ വരെ യാത്രചെയ്യാം. സാധാരണ നിരക്ക് മാത്രം നൽകിയാൽ മതി. അധിക നിരക്ക് ഈടാക്കില്ല. ഒഴിവില്ലെങ്കിൽ അധിക നിരക്ക് നൽകേണ്ടി വരും. നിലവിൽ ബോർഡിങ് പോയിന്റ് മാറ്റിയ യാത്രക്കാരന് ആ കോച്ചിൽ കയറാനാകില്ല. ടിക്കറ്റില്ലായാത്രക്കാരായി പരിഗണിച്ച് ഫൈൻ ഈടാക്കും. ബോർഡിങ് മാറ്റം റിസർവ് ചെയ്ത സ്റ്റേഷനിൽനിന്ന് കയറാൻ പറ്റിയില്ലെങ്കിൽ വേറൊരു സ്റ്റേഷനിൽനിന്ന് കയറുന്നതിനെയാണ് ബോർഡിങ് മാറ്റം എന്നുപറയുന്നത്. വണ്ടി പോകുന്ന ഏത് സ്റ്റേഷനിൽനിന്നും ബോർഡിങ് പോയിന്റ് മാറ്റാം. ചീഫ് റിസർവേഷൻ ഓഫീസറെ കണ്ട് അപേക്ഷ കൊടുത്താൽ ബോർഡിങ് മാറ്റാം. റിസർവേഷൻ കൗണ്ടറിൽ നിന്ന് ഓൺലൈൻ വഴിയും 139 വഴിയും ബോർഡിങ് മാറ്റാം. content highlights:change boarding station, indian railways

from mathrubhumi.latestnews.rssfeed https://ift.tt/2YnyTT9
via IFTTT